朱子溢傳道（嶺南大學校牧處主任傳道）
我同子穎嘅氣質好唔同，坐埋一齊人地都唔覺得我地係兩兄弟，但我哋卻一同走上教育嘅路。
2013年11月26日，果日係星期二，亦都係我第三個孩子出世的日子。一般來說小孩出世應該是皆大歡喜，但對於我哋兩公婆嚟講，嗰日嘅心情有比較複雜，因為瑋恆是個無頭蓋骨的小朋友。當當醫生話他只有三四個小時的生命，那刻我和mary都一片空白。
醫生曾勸告我們放棄，我們猶豫掙扎，最後選擇放開懷抱，迎接瑋恒的來臨。我們深信，生命不由我們選擇何時來到，何時離開，我能做的就是和Mary 一起陪伴着孩子渡過人生，即使，他的時間是如此有限。
在醫院的十小時，孩子走完了他一生的路，令我最因為嘅係，瑋恒佢能夠掙開雙眼看到日出。
我走過墓地，望住一座座陌生墓碑，我知道後來的人會慢慢淡忘瑋恆的故事，就好似呢度墓地的主人一樣，最終只剩下陌生的名字。但我依然想藉住瑋恆嘅故事，在大學裏面讓學生有機去思想都關於生命嘅意義同價值。
從死看生，活在當下，能夠珍惜眼前，你就能夠活得自在。由瑋恆出世到五年之後嘅今日。Mary再次懷孕，我哋嘅心情真係又驚又喜。感恩嘅事我哋能夠有勇氣再去迎接生命嘅來臨，希望我哋故事都能夠激勵你，去面對生命裏面嘅起起跌跌。